Клиенттердің өтініштерін қабылдау және қарау

«Шинхан Финанс» микроқаржы ұйымы» ЖШС жеке және заңды тұлғалардың микроқаржылық қызметтерді көрсетуге байланысты өтініштерін Қазақстан Республикасының заңнамасына сәйкес қабылдайды және қарайды.

«Шинхан Финанс» микроқаржы ұйымы» ЖШС-не өтініш беру және оны қарау тегін жүзеге асырылады.

Сіз «Шинхан Финанс» микроқаржы ұйымы» ЖШС-не микрокредиттерді беру, микрокредит беру туралы шартты орындау және оның талаптарын өзгерту, микрокредитке қызмет көрсету, берешекті өтеу, сыйақы, тұрақсыздық айыбы және өзге де төлемдерді есептеу, сондай-ақ микроқаржылық қызметтерді көрсетуге байланысты басқа да мәселелер бойынша жүгіне аласыз.

Өтініштерді қарау мерзімдері Компанияның ішкі қағидаларымен және Қазақстан Республикасының заңнамасымен реттеледі.

Өтінішті қарау нәтижелері бойынша «Шинхан Финанс» микроқаржы ұйымы» ЖШС өтініште қойылған мәселелердің мәні бойынша өтініш берушіге жауап жолдайды.

Жауап Қазақстан Республикасының заңнамасында, шартта көзделген және/немесе өтініш беруші өтінішті берген кезде көрсеткен тәсілмен жолданады.

Егер Сіздің мәселеңіз мерзімі өткен берешектің туындауына байланысты микрокредит беру туралы шарттың талаптарын өзгертуге қатысты болса, «Микрокредит беру туралы шарттың талаптарын өзгерту туралы өтініш» арнайы нысанын пайдалана аласыз.